Stuðningur við jákvæða hegðun

Í Njarðvíkurskóla vinna allir starfsmenn eftir agakerfi sem byggir á jákvæðri hegðunarmótun og kennt við PBS (Positive Behavior Support). Þetta agakerfi byggir á margra ára rannsóknum sérfræðinga í Oregon í Bandaríkjunum og hefur verið innleitt í nokkra skóla á Íslandi með góðum árangri.
Þetta er heildstætt vinnulag þar sem hvatt er til jákvæðrar hegðunar með kerfisbundnum hætti í stað þess að einblína á neikvæða hegðun og refsingar. Vinnulagið miðar að því að allir starfsmenn skólans komi að mótun og viðhaldi á æskilegri hegðun með því að kenna og þjálfa félagsfærni, styrkja jákvæða hegðun og samræma viðbrögð.
Þverfaglegt teymi starfsmanna hefur unnið að undirbúningi kerfisins og heldur utan um framkvæmd með því að hittast reglulegum fundum. Teymið nýtur handleiðslu skólasálfræðings Reykjanesbæjar sem hefur sérhæft sig í jákvæðri hegðunarmótun.
Guðný Björg Karlsdóttir og Ásgerður Bjarklind Bjarkadóttir eru teymissjórar PBS í Njarðvíkurskóla.