Frístundaskóli Njarðvíkurskóla

Umsjónarmaður: Einara Lilja Kristjánsdóttir.
Sími: 420 3011 / 864 6788, 420 3000 (skólaritari)

Frístundaskólinn, yngri deild er fyrir nemendur í 1.- 4. bekk og starfar frá kl. 13:20-16:00 á starfstíma skóla. Boðið er upp á síðdegishressingu alla daga. Frístundaskólinn starfar ekki í jóla- og páskafríum nemenda né á starfsdögum skóla og vetrarfríi. 

Starfsmaður auk umsjónarmanns er Mirjana Potkrajac.

Frístundaskólinn, eldri deild, er fyrir nemendur í 5.-10. bekk sem eiga við fötlun að stríða. Hann starfar frá kl. 14:00 -16:00 á starfstíma skóla. Boðið er upp á síðdegishressingu alla daga og nemendur geta fengið aðstoð við heimanám. Frístundaskólinn starfar ekki í jóla- og páskafríum nemenda né á starfsdögum skóla og vetrarfríi. 

Starfsmenn eru: Gayane G. Kharatian, Guðbjörg Benjamínsdóttir og Sigurlaug Ingvarsdóttir.

Fylla þarf út umsóknareyðublað fyrir dvöl í frístundaskólanum þar sem fram koma upplýsingar um íþrótta- eða tómstundastarf sem nemendur taka þátt í á starfstíma frístundaskólans.

Umsóknareyðublöð liggja frammi á skrifstofu skólans. Sótt er um fyrir hvert skólaár í senn. Ef vistunartíma er breytt skal gera það fyrir 15. hvers mánaðar. Segja verður upp vist í frístundaskólanum með tveggja vikna fyrirvara. Nauðsynlegt er að tilkynna veikindi og leyfi til umsjónarmanns eða skólritara fyrir kl. 13 þá daga sem nemendur koma ekki í frístundaskólann.

Kostnaður og innheimta
Gjaldkeri bæjarskrifstofu Reykjanesbæjar sér um innheimtu gjalda fyrir frístundaskólann. Kostnaður foreldra er 14.400 krónur á mánuði miðað við fullt gjald með síðdegishressingu.  Óski foreldri eftir að greiða tímagjald þá er það 315 kr. á tímann og síðdegishressing kostar 120 kr.
Veittur er 25% systkinaafsláttur vegna þriðja barns og 50% vegna fjórða barns úr sömu fjölskyldu.