Fréttir

Að tillögu menntamálaráðherra ákvað ríkisstjórn Íslands, haustið 1995, að 16. nóvember ár hvert, sem er fæðingardagur Jónasar Hallgrímssonar, yrði dagur íslenskrar tungu. Í dag 16. nóvember var haldið upp á dag íslenskrar tungu í Njarðvíkurskóla með gleðistund á sal. Nemendur sungu, lásu upp ljóð, spiluðu á hljóðfæri, sýndu stuttmyndir og margt fleira. Þá voru góðir gestir sem stigu á stokk en elstu nemendur á leikskólanum Gimli sungu lögin Gengur betur næst og Dropalagið. Þetta er í 16. skipti sem nemendur á Gimli heimsækja okkur á degi íslenskrar tungu. Hátíðin var tvískipt, fyrst 1.-6. bekkur og elstu nemendur á leikskólanum Gimli og síðan 7.-10. bekkur. Frosti Kjartan og Ragna Talía voru kynnar á hátíðinni. Dagskrá yngra stigs: - Allir sungu Íslenskuljóðið eftir Þórarinn Eldjárn og Geirþrúður forskólakennari sá um undirleik. - Nemendur í 1. bekk sungu lagið, Skýin. - Nemendur af leikskólanum Gimli sungu lögin, Gengur betur næst og Dropalagið. - Viktoría Líf Jónsdóttir, nemandi í 7. KR lék á píanó lagið Morgun eftir norska tónskáldið Edvard Grieg. - Nemendur í 4. bekk fluttu Mánaðarvísur. - Hafdís Inga í 8. HH las æviágrip Jónasar Hallgrímssonar og Elís Einar í 8. AÁ flutti ljóðið Söknuður eftir Jónas Hallgrímsson. - Nemendur í 6. bekk fluttu S.T.A.F.R.Ó.F. með Orðbragði. - Nemendur í 2. bekk sungu Á Sprengisandi. Geirþrúður forskólakennari spilaði undir á píanó. - Að lokum sungu allir Skólasöng Njarðvíkurskóla eftir Gylfa Guðmundsson, fyrrum skólastjóra Njarðvíkurskóla. Dagskrá eldra stigs: - Allir sungu Íslenskuljóðið eftir Þórarinn Eldjárn. - Hafdís Inga í 8. HH las æviágrip Jónasar Hallgrímssonar og Elís Einar í 8. AÁ flutti ljóðið Söknuður eftir Jónas Hallgrímsson. - Viktoría Líf Jónsdóttir, nemandi í 7. KR lék á píanó lagið Morgun eftir norska tónskáldið Edvard Grieg. - Nemendur í 9. bekk voru með spurningarkeppnina Kappsmál milli nemenda og starfsmanna. - Allir sungu Skólasöng Njarðvíkurskóla eftir Gylfa Guðmundsson, fyrrum skólastjóra Njarðvíkurskóla. - Nemendur í 10. bekk sýndu tvær frábærar stuttmyndir úr Gíslasögu. - Dagskráin endaði á spurningarkeppni á milli kennara og nemenda undir stjórn nemendaráðs.

Dagur gegn einelti- Vináttudagur er haldinn 8. nóvember ár hvert og er helgaður baráttunni gegn einelti. Dagurinn var í fyrsta sinn haldinn árið 2011 og þá til að vekja athygli á því að einelti er ofbeldi og á aldrei að líðast. Frá árinu 2017 hefur dagurinn verið tileinkaður einelti meðal barna, einelti í skólum. Einelti er brot á barnasáttmála Sameinuðu þjóðanna. Þennan dag unnu nemendur og starfsfólk saman á fjölbreyttan hátt að því að hvetja til jákvæðra samskipta með t.d. umræðu og fræðslu um mikilvægi vináttu og virðingar og að einelti er ofbeldi sem verður ekki liðið. Nýtum okkar styrkleika, setjum okkur í spor annarra og hugum að okkar eigin hegðun. Við erum öll fyrirmyndir á einn eða annan hátt.

Í ljósi óvissustigs Almannavarnar vegna jarðhræringa á Reykjanesi hvetjum við forráðamenn að skoða Rýmingaráætlun Njarðvíkurskóla (Viðbrögð við vá) sem er að finna á heimasíðunni.

Í október tóku nemendur og starfsmenn Njarðvíkurskóla þátt í verkefninu SKÓLASLIT 3 – Öskurdagur sem er spennandi hrollvekja sem hefur það markmið að vekja lestrarupplifun fyrir lesendur sem taka þátt í verkefninu. Skólaslit 3 - Öskurdagur er samstarfsverkefni Menntasviðs Reykjanesbæjar og Ævars Þórs Benediktssonar rithöfundar. Þriðjudaginn 31. október var Öskurdanshátíð í Njarðvíkurskóla þar sem þemað var sagan sjálf. Allir voru hvattir til alla að mæta í búningum og var salur skólans skreyttur í anda Skólaslita 3 - Öskurdagur af nemendaráði og starfsmönnum með tilheyrandi reyk og hryllilegum hljóðum. Þar var mikið danspartý þar sem nemendur skemmtu sér konunglega.

Ellefu aðilar, félög og góðgerðarsamtök á Suðurnesjum fengu veglega styrki eftir Góðgerðarfest Blue Car Rental sem haldið var fyrr í október. Alls söfnuðust rúmar tuttugu milljónir króna frá fyrirtækjum og einstaklingum samhliða Góðgerðarfestinu. Sérdeildin Ösp við Njarðvíkurskóla fékk styrk að upphæð 1.250.000 krónur. Styrknum hefur þegar verið ráðstafað í kaup á boltabaði og hringekjum sem fara í hreyfisal í Ösp. Njarðvíkurskóli þakkar eigendum Blue Car Rental kærlega fyrir velvild í garð skólans og sérdeildarinnar síðustu ár.

Þriðjudaginn 24. október hafa á fjórða tug samtaka kvenna, hinsegin fólks og launafólks blásið til heils dags kvennaverkfalls.

Föstudaginn 20. október og mánudaginn 23. október er vetrarfrí í Njarðvíkurskóla. Enginn kennsla er þessa daga og frístundaheimili skólans, bæði í skóla og í Ösp er lokað. Vonum að allir hafi það gott í vetrarleyfinu. Friday, October 20th. and Monday, October 23th. is the school's winter break. There are no classes these days and the after school program, both in school and in Ösp, is closed. We wish everyone a good winter break. Piątek, 20 października. i poniedziałek 23 października. jest w szkole przerwa zimowa. W tych dniach nie ma zajęć, a zajęcia pozaszkolne, zarówno w szkole, jak i w Ösp, są zamknięte. Życzymy wszystkim udanych ferii zimowych.

Aðalfundur foreldrafélags Njarðvíkurskóla verður haldinn á sal skólans miðvikudaginn 25. október kl. 19:00. Í framhaldi af aðalfundi verður fræðsluerindi fyrir forráðamenn. Bjarni Fritzson verður með erindið "Efldu barnið þitt" Hvað geta foreldrar gert til að hafa jákvæð áhrif á börn sín. Forráðamenn eru hvattir til að fjölmenna á aðalfundinn og á fræðsluerindið í kjölfarið.

Njarðvíkurskóli var rýmdur eftir hádegi í dag í rýmingaræfingu sem skólinn hélt í samstarfi við Brunavarnir Suðurnesja. Rýmingaræfingar eru mikilvægar í byggingum þar sem mannfjöldi kemur reglulega saman og eru órjúfanlegur hluti af rýmingaráætlunum þeirra. Reglulegar rýmingaræfingar tryggja skjótari rýmingu bygginga ef upp kemur eldur eða annað ástand sem kallar á rýmingu. Æfingin í tókst vel þar sem það gekk vel að rýma skólabygginguna.

Föstudaginn 6. október fengu nemendur í 1.-3. bekk að sjá tónlistarævintýri á sal skólans sem heitir Ævintýrið um Ferðafljóð í flutningi Valgerðar Guðnadóttur söng og leikkonu en með henni voru píanóleikarinn Sigurður Helgi Oddsson og Matthías Stefánsson fiðlu og gítarleikari. Ævintýrið fjallar um stúlkuna Fljóð sem dregst inn í ævintýraveröld þar sem hún ferðast til margra landa og tekur þátt í mismunandi tónlistarflutningi. Nemendur hjálpuðu til við framvindu ævintýrisins, stóðu sig frábærlega og fengu mikið hrós fyrir.