Jólahátíð Njarðvíkurskóla

Jólahátíð Njarðvíkurskóla verður haldin föstudaginn 19. desember. Þetta er skertur nemendadagur og mæta nemendur eingöngu á jólahátíðina og fara heim að henni lokinni. Frístundaheimilin eru lokuð þennan dag, bæði í Njarðvíkurskóla og í Ösp.

Nemendur í 1.-10. bekk, í Björk og Ösp mæta í heimastofur kl. 09:50. Jólahátíðinni lýkur kl. 11:15. Nemendur eru hvattir til að mæta prúðbúnir á jólahátíðina.

Þar sem allir nemendur skólans mæta og fara heim á sama tíma verður bílastæðið milli íþróttahúss og fótboltavallar, sem og bílastæðið við Brekkustíg, eingöngu ætlað forráðamönnum þennan dag. Markmiðið með þessu er að minnka líkur á umferðaröngþveiti við komu og brottför nemenda.

Upplýsingar koma frá hverjum umsjónarkennara varðandi hvað nemendur eiga koma með á jólahátíðina.

Á jólahátíðinni eru stofujól, horft er á helgileik sem nemendur í 6. bekk leika og syngja, lesin er jólasaga og svo koma nemendur á sal þar sem gengið er í kringum jólatré og sungið saman.

Að lokinni jólahátíð hefst jólafrí hjá nemendum og starfsfólki skólans.