Grænfáninn afhentur Njarðvíkurskóla í fimmta sinn

Frá athöfninni í dag.

Í dag fékk Njarðvíkurskóli afhentan Grænfánann í fimmta sinn við hátíðlega athöfn. Grænfáninn er afhentur skólum sem leggja áherslu á umhverfismennt og menntun til sjálfbærni. Nemendur í umhverfisteymi skólans flögguðu grænfánanum og Sóley Sara Rafnsdóttir í 10. bekk flaggaði fána með nýju umhverfismerki skólans sem hún hannaði. Í lok athafnar fluttu nemendur í 1. bekk lag um plastið í sjónum.