Fréttir

Jólahátíð Njarðvíkurskóla verður föstudaginn 18. desember og er með breyttu sniði í ár þar sem nemendur verða eingöngu í heimastofu með umsjónakennara. Nemendur mega koma með smákökur og drykk en mikilvægt er að hafa í huga að Njarðvíkurskóli er hnetulaus skóli. Þetta er skertur nemendadagur svo nemendur mæta á jólahátíðina og fara svo heim að henni lokinni. Frístundaheimilin eru lokuð þennan dag bæði yngri deild sem og frístundaheimilið í Ösp. Nemendur koma á eftirfarandi tímum á jólahátíðina; 1. bekkur kl. 8:15-9:15 2. bekkur kl. 8:15-9:15 3. bekkur kl. 9:30-10:30 4. bekkur kl. 9:30-10:30 5. bekkur kl. 8:15-9:15 6. bekkur kl. 8:15-9:15 7. bekkur kl. 9:30-10:30 8. bekkur A kl. 10:45-11:35 8. bekkur B kl. 11:45-12:35 9. bekkur A kl. 10:45-11:35 9. bekkur B kl. 11:45-12:35 10. bekkur A kl. 10:45-11:35 10. bekkur B kl. 11:45-12:35 Ösp kl. 8:45-9:45 - 8.-10. bekkur kl. 10:00-11:00 - 1.-7. bekkur Björk Kl. 10:00-11:00 Að lokinni jólahátíð hefst jólafrí hjá nemendum og starfsmönnum skólans. Skólastarf hefst á nýju ári mánudaginn 4. janúar 2021. Skipulag skólastarfs á nýju ári er ekki alveg ljóst en ef breytingar verða frá því skipulagi sem nú er á skólastarfi Njarðvíkurskóla þá munum við láta ykkur foreldra vita af þeirri breytingu eins fljótt og mögulegt er. Við óskum nemendum og fjölskyldum þeirra gleðilegrar jólahátíðar. Hátíðarkveðjur, Stjórnendur Njarðvíkurskóla.

Á morgun föstudag 4.desember og föstudaginn 11. desember þá ætlum við að hafa jólalega daga hér í Njarðvíkurskóla.

Eftir hádegi í dag er appelsínugul viðvörun vegna veðurs á okkar svæði. Spáð er suðvestan 18-25 m/s með éljagangi. Mjög lítið skyggni í éljum og því varasöm akstursskilyrði. Vinsamlegast sækið börnin ykkar þegar skóla lýkur í dag eða gerið aðrar ráðstafnir til að tryggja öryggi þeirra. This afternoon there is an orange warning due to the weather in our area. The forecast is southwest 18-25 m / s with gusts. Very low visibility and therefore dangerous driving conditions. Please pick up your children when school ends today. Dzis po poludniu pojawilo sie pomaranczowe ostrzezenie zwiazane z pogoda w naszym regionie. Prognoza to poludniowo-zachodni 18-25 m / s z porywami. Bardzo slaba widocznosc, a tym samym niebezpieczne warunki jazdy. Prosimy o odebranie dzieci po dzisiejszym zakonczeniu szkoly.

Þorgrímur Þráinsson ræddi við Hannes Þór Halldórsson, faðir, landsliðsmann í knattspyrnu og auglýsingaleikstjóra, daginn fyrir landsleik Englands og Íslands sem fór fram í London í vikunni. Í myndbandinu ræðir Hannes meðal annars um líðan, sjálfsmynd og mikilvægi lesturs. Einnig ræðir Hannes um mikilvægi þess að leggja sig fram og gera mikið af því sem viðkomandi ætlar að standa sig vel í. Við hvetjum alla til að horfa á þetta frábæra myndband þar sem dugnaður og hugarfar hans hefur komið Hannesi langt í lífinu. Myndbandið er partur af lestrarátaki Njarðvíkurskóli sem er unnið í samstarfi við Þorgrím Þráinsson.

Miðvikudaginn 25. nóvember er starfsdagur í Njarðvíkurskóla. Allir nemendur eiga frí þennan dag. Frístundaheimili yngri nemenda og frístund í Ösp er einnig lokað þennan dag. Wednesday the 25th of November is a teachers work day in Njarðvíkurskóli. All students have a vacation this day. The after school program is closed this day. Sroda, 25 Listopad jest dniem pracy nauczyciela w Njardvikurskoli. Wszyscy studenci maja wakacje tego dnia. Program zajec pozalekcyjnych jest dzis zamkniety.

Á morgun, miðvikudaginn 18. nóvember, hefjum við skólastarf eftir breyttum sóttvarnareglum. Þessi breyting er til og með 1. desember. 1.-7. bekkur kennsla samkvæmt stundaskrá. Tveggja metra regla og grímuskylda á núna ekki við í 1.-7. bekk. 8.-10. bekkur. Fyrri hópur A mætir frá kl. 9:55-12:00 og seinni hópur B kl. 12:40-14:40. Áfram verður tveggja metra regla og grímuskylda nemenda í 8.-10. bekk í samræmi við fyrri tillögur. Hópaskipting kemur frá umsjónakennurum í dag. Grímuskylda kennara vegna nálægðar við nemendur gildir gagnvart nemendum í 8.-10. bekk, en ekki yngri nemendum. Reglur um blöndun, fjölda, grímunotkun og nálægð gildi ekki á útisvæðum leik- og grunnskóla. Skólamatur: Nemendur sem eru í áskrift fá afgreiddan mat í skólanum. Matur hjá nemendum í 8.-10. bekk fyrri hóp A er kl. 12 eftir að kennslu lýkur áður en þau fara heim. Matur hjá 8.-10. bekk seinni hóp B er áður en tími hefst er afgreiddur frá kl. 12:25-12:40 Frístundaheimilið verður áfram opið til kl. 15:30 fyrir nemendur í 1.-4. bekk sem þar eru skráðir: - Frístund 1. bekkur Björk s: 6925959 - Frístund 2. bekkur st. 109 og bókasafn fara út um yngri barna inngang s: 8646788 - Frístund 3/4. bekkur í Brekku. s: 7792395 Foreldrar geta hringja í viðkomandi númer og börnin koma út. Nemendur í frístund mega blandast á útisvæði. Ef breytingar verða hjá Ösp og Björk sérdeild þá verða þær upplysingar sendar til foreldra af deildastjóra. Aðkoma foreldra er enn takmörkuð inn í skólann og við viljum einnig ítreka að nemendur koma ekki í skólann með flensulík einkenni. Bestu kveðjur, Skólastjórn Njarðvíkurskóla

Dagur íslenskrar tungu er í dag 16. nóvember. Hátíðarhöld voru með óhefðbundnum hætti þetta árið vegna sóttvarnaráðstafana. Hátíðardagskrá Njarðvíkurskóla var tekin upp og sett saman í myndband sem formenn nemendaráðs, Valur Axel og Helga Vigdís kynntu. Allir nemendur í skólanum horfðu á myndbandið í sínum heimastofum í dag. Rafræn dagskrá Njarðvíkurskóla - 1. bekkur - Krummavísur - 2. bekkur - Sprengisandur - 3. bekkur - Hafið bláa hafið - Ösp - Söngur, jóga og Fólkið í blokkinni - 10. bekkur - Myndbrot úr verkefnum nemenda í Gísla sögu - Kristín Arna Gunnarsdóttir - Sáuð þið hana systur mína - Mjólkurbekkur Njarðvíkurskóla - 4. bekkur - Íslenskuljóðið - Nína Björk, Bríet Silfá, Elísabet Agla, Hanna Steinunn - Signir sól - Ánægja af lestri - Hvatning til nemenda Allir eru hvattir til þess að fagna deginum með sínum hætti og hafa íslenskt mál í öndvegi.

Fyrir þremur árum 9. nóvember 2017 hóf Njarðvíkurskóli innleiðingu á vináttuverkefni Barnaheilla í grunnskólum. Njarðvíkurskóli var einn af 15 grunnskólum sem voru tilraunaskólar í verkefninu. Í dag hafa 25% grunnskóla á Íslandi tekið upp verkefnið, auk 60% leikskóla. Vinátta er forvarnaverkefni Barnaheilla gegn einelti fyrir börn 0 - 9 ára, ætlað leikskólum, fyrstu bekkjum grunnskóla, frístundaheimilum og dagforeldrum. Verkefnið felst í útgáfu námsefnis sem ætlað er börnum, foreldrum þeirra og starfsfólki, námskeiðum fyrir starfsfólk og stuðningi við skóla. Efnið er danskt að uppruna og heitir á frummálinu Fri for Mobberi. Það er þýtt, staðfært og gefið út í samstarfi við Red barnet – Save the Children og Mary Fonden í Danmörku. Mikil ánægja hefur verið með Vináttuverkefnið í Njarðvíkurskóla og hefur það gefið afar góða raun. Það er Njarðvíkurskóla sannkallaður heiður að hafa fengið að vera þátttakandi í þessu verkefni í þrjú ár. Guðni Th. Jóhannesson, forseti Íslands, er verndari Vináttuverkefnisins.

Sylvía Erla Melsteð fjöllistakona, söngkona og frumköðull er með hvatningamyndband til nemenda í Njarðvíkur í tengslum við lestur og nám. Sylvía sem er lesblind kláraði Verzlunarskóla Íslands með stæl, þrátt fyrir mikið mótlæti. Hún er að skrifa barnabók um ákveðna tækni sem hún notar við lesblindu og svo kemur heimildarmyndin Verkfærakistan eftir hana um lesblindu eftir jól. Hún ræðir um í myndbandinu um hvernig hún komst í gegnum grunnskóla og þrátt fyrir erfiðleika í námi og þann stóra sigur að komast inn í þann skóla sem henni langaði mest að komast inn í.

Skólar og íþróttafélög skipuleggja sitt fyrirkomulag til að fara eftir fyrirmælum yfirvalda um takmarkanir á skólastarfi og samkomum, þ.m.t. fjöldatakmörkunum, rýmum og grímunotkun. Það er mikilvægt að forráðamenn barna dragi á sama tíma úr fjölda einstaklinga í tengslaneti barna sinna utan skólatíma til að vinna ekki gegn þessum ráðstöfunum.