Fréttir

Þar sem veðurspá er frekar slæm í fyrramálið þá biðjum við foreldra að skoða eftirfarandi verklagsreglur grunnskóla við óveðri. Þegar veðurspár gefa til kynna að óveður sé í aðsigi á Suðurnesjum fylgjast Lögreglan og Almannavarnir gaumgæfilega með, hafa samstarf við skólana og gefa út viðvaranir til almennings, gerist þess þörf. Mikilvægt er að foreldrar sjálfir fylgist með veðri og veðurspám og hagi sér í samræmi við aðstæður hverju sinni. Foreldrar leggja sjálfir mat á hvort fylgja þarf barni í og úr skóla þótt engin tilkynning hafi borist frá yfirvöldum. Meti foreldrar aðstæður svo að ekki sé óhætt að börn þeirra sæki skóla þá skulu þeir tilkynna skólanum um það og lítur skólinn á slík tilvik sem eðlileg forföll. Við slíkar aðstæður eru skólarnir opnir og þar er öruggt skjól fyrir börnin. Informacja dotycząca zakłóceń zajęć szkolnych z powodu niepogody. W przypadku jeżeli, prognoza pogody przewiduje mocne wiatry i wichury na terenie Suðurnesja, Policja i służby cywilne będą czuwały nad bezpieczeństwem obywateli. Służby te będą współpracowały ze szkołami oraz ostrzegały obywateli w razie potrzeby. Ważne jest, aby rodzice dzieci uczęszczających do szkół, obserwowali prognozę pogody i podejmowali samodzielnie decyzje w jaki sposób dziecko ma się udać do szkoły, zgodne z warunkami pogodowymi. W gestii samych rodziców należy ocena czy dziecko należy odprowadzić czy też przyprowadzić ze szkoły; pomimo braku odgórnych zaleceń od dyżurujących służb. W przypadku jeżeli, rodzice stwierdzą, że ze względów pogodowych, wysyłanie dziecka do szkoły jest niebezpieczne, należy ten fakt zgłosić telefonicznie do sekretariatu szkoły. Przypadek taki będzie traktowany jako zwykła nieobecność. W każdych warunkach pogodowych, szkoła pracuje normalnie i jest otwartym i bezpiecznym schronieniem dla dzieci.

Guðríður Vilbertsdóttir, umsjónarmaður fasteigna í Njarðvíkurskóla, lét af störfum um áramótin eftir rúm 38 ár í starfi við skólann. Gauja hefur svo sannarlega sett mark sitt á skólasamfélagið í Njarðvíkurskóla. Starfsfólk Njarðvíkurskóla þakkar henni fyrir gott samstarf og óskar henni velfarnaðar á komandi árum. Sigmundur Már Herbertsson hefur tekið við starfi umsjónarmanns fasteigna í Njarðvíkurskóla.

Heilakúnstir – heimanámsaðstoð Rauða Krossins stendur grunnskólanemendum í 4.-10. bekk til boða alla þriðjudaga og fimmtudaga frá klukkan 14.30 – 16:00 í Bókasafni Reykjanesbæjar (neðri hæð). Heimanámsaðstoðin er ókeypis og allir eru velkomnir. Ekki þarf að skrá sig fyrirfram. English: Homework assistance is available for all children in grades 4-10 of elementary school in Reykjanesbær. The assistance will take place every Tuesday and Thursday from 2.30pm-4pm at Reykjanesbær Public Library (lower floor).Volunteers from the local Red Cross provide the service. It‘s free and no need to sign up! Polish: Pomoc w odrabianiu prac domowych jest dostępna dla wszystkich dzieci z klas 4-10 szkół podstawowych w Reykjanesbær. Zapraszamy w każdy wtorek i czwartek od godziny 14:30 do 16:00 do Biblioteki Publicznej Reykjanesbær (na niższe piętro). Pomocy udzielają Wolontariusze z lokalnego Czerwonego Krzyża. Pomoc jest bezpłatna i nie trzeba się na nią wcześniej zapisywać!

Nemendur í 1. bekk fóru í vettvangsferð á lögreglustöðina í desember. Krissi lögga og Lóa tóku á móti hópnum og voru nemendur til fyrirmyndar. Þau fengu að skoða lögreglubílana, fangaklefana og búnað lögreglunnar. Nemendurnir skemmtu sér vel.

Kennsla í Njarðvíkurskóla hefst aftur eftir jólafrí föstudaginn 3. janúar samkvæmt stundaskrá.

Starfsfólk Njarðvíkurskóla sendir nemendum, forráðamönnum og velunnurum skólans bestu jóla- og nýárskveðjur, með þökk fyrir samfylgdina á árinu 2019. Kennsla í Njarðvíkurskóla hefst aftur eftir jólaleyfi samkvæmt stundaskrá föstudaginn 3. janúar 2020.

Jólahátíð Njarðvíkurskóla var haldin hátíðleg á sal og í stofum í dag. Í stofum voru nemendur hjá umsjónarkennurum og héldu litlu jólin þar sem lesnar voru jólasögur og nemendur skiptust á pökkum. Á sal lék Karen Ósk Lúthersdóttur á klarinett lagið Á jólunum er gleði og gaman og Ástríður Auðbjörg Halldórsdóttir, einnig á klarinett lagið Jólasveinninn kemur í kvöld. Geirþrúður Bogadóttir spilaði á píanó með þeim báðum. Herdís Björk Björnsdóttir Debes og Lilja Rún Gunnarsdóttir lásu jólaljóðið Kátt er á jólunum. Nemendur í 5. bekk sýndu helgileik þar sem vel æfðir nemendur fóru á kostum. Sigurður Magnússon og Kári Snær Halldórsson voru kynnar á hátíðinni. Eins og venjan er þá var dansað í kringum jólatréið þar tveir skemmtilegir jólasveinar kíktu í heimsókn.

Nemendur í 1.-8. bekk í Njarðvíkuskóla söfnuðu 211.677 kr. sem þeir vita að eiga eftir að hjálpa sárafátækum barnafjölskyldum í Tulu Moye í Eþíópíu. Verkefnið Öðruvísi jóladagatal SOS Barnaþorpanna 2019 er frábært verkefni og gaman að vera þátttakandi í því. Gleðileg jól!

Á þemadögum fór 2.-4. bekkur í Njarðvíkurskóla á bókasafn Reykjanesbæjar og vill starfsfólk Njarðvíkurskóla senda bestu þakkir fyrir frábærar móttökur. Alltaf gaman að fara á bókasafnið og allir velkomnir. Einnig voru einhverjir hópar sem fóru á Ráðhúskaffi og var skemmtileg kaffihúsastemming þar. 2. bekkur heimsótti líka Duus hús og þar fengum þau fræðslu um jólin í gamla daga.

Hátíðarmatur og jólahátíð í Njarðvíkurskóla Hátíðarmatur verður fimmtudaginn 19. desember þar sem allir nemendur borða saman á sal skólans sem settur hefur verið í hátíðarbúning og starfsfólk þjónar nemendum til borðs. Í matinn er kalkúnabringa, steiktar kartöflur, brún sósa með tilheyrandi meðlæti. Í eftirrétt er ísblóm. Jólahátíð Njarðvíkurskóla verður föstudaginn 20. desember. Þetta er skertur nemendadagur svo nemendur mæta á jólahátíðina og fara svo heim. Frístundaskólinn er lokaður þennan dag bæði yngri deild sem og frístundaskólinn í Ösp. Skipulag jólahátíðar er eftirfarandi: Nemendur í 2., 4., 5., 7. og 9. bekk bekk mæta kl. 8:30 og eru til 10:20. Nemendur í 1., 3., 6., 8. og 10. bekk mæta kl. 9:40 og eru til 11:00. Nemendur eru bæði á stofujólum með umsjónakennara sem og á sal þar sem nemendur í 5. bekk sýna helgileik, lesið er jólaljóð og tónlistaratriði. Eftir það dansa allir í kringum jólatréð og það er aldrei að vita nema jólasveinarnir kíki í heimsókn. Upplýsingar koma frá hverjum umsjónakennara varðandi hvað nemendur eiga koma með á stofujólin. Að lokinni jólahátíð hefst jólafrí hjá nemendum og starfsmönnum skólans. Skólastarf hefst samkvæmt stundatöflu eftir jólafrí föstudaginn 3. janúar 2020. Við óskum nemendum og fjölskyldum þeirra gleðilegrar jólahátíðar. Hátíðarkveðjur, stjórnendur Njarðvíkurskóla.