Fréttir

Fimmtudaginn 21. nóvember er starfsdagur í Njarðvíkurskóla. Allir nemendur eiga frí þennan dag. Frístundaheimili yngri nemenda og frístund í Ösp er lokað þennan dag.

Starfsáætlun fyrir Njarðvíkurskóla, Björk og Ösp skólaárið 2024-2025 var samþykkt af skólaráði 16. október 2024 og í menntaráði Reykjanesbæjar 8. nóvember 2024. Samkvæmt 29 gr. grunnskólalaga ber hverjum grunnskóla að gefa út skólanámskrá og starfsáætlun. Skólastjóri er ábyrgur fyrir gerð þeirra og skal semja þær í samráði við kennara. Skólanámskrá er nánari útfærsla á Aðalnámskrá grunnskóla um markmið, inntak náms og námsmat, starfshætti og mat á árangri og gæðum skólastarfs. Skólanámskrá tekur mið af sérstöðu grunnskóla og aðstæðum og skal endurskoða reglulega. Í árlegri starfsáætlun er m.a. gerð grein fyrir skóladagatali, þ.m.t. lengd jólaleyfis, páskaleyfis og annarra vetrarleyfa, starfsáætlun nemenda, skólareglum, stoðþjónustu, félagslífi og öðru því sem varðar starfsemi skólans ár hvert. Þar skal birta upplýsingar um starfslið skólans, stjórnkerfi, mögulegan stuðning fyrir nemendur af ýmsu tagi og almennar hagnýtar upplýsingar um skólahald hvers skólaár. Starfsáætlun skóla skal árlega lögð fyrir menntaráð Reykjanesbæjar til staðfestingar sem staðfestir gildistöku hennar þegar ljóst er að hún hafi verið unnin í samræmi við lög, reglugerðir, Aðalnámskrá, kjarasamninga og ákvarðanir sveitastjórnar um fyrirkomulag skólahalds. Hér birtist starfsáætlun Njarðvíkurskóla, Björk og Ösp fyrir skólaárið 2024-2025.

Eitt af áhersluatriðum skólaársins hjá okkur í Njarðvíkurskóla er að efla samstarf heimilis og skóla og af því tilefni buðum við upp á tvö erindi fyrir forráðamenn og starfsfólk. Miðvikudaginn 30. október fengum við Margréti Lilju Guðmundsdóttur, þekkingarstjóra hjá Planet Youth á kvöldfund með foreldrum og starfsfólki sem koma að nemendum í 6.-10. Bekk. Erindið nefndi hún „Best saman“ þar sem hún fór yfir hversu mikilvæg samvinna milli heimilis og skóla sem og forráðamanna og barna er. Hún ræddi um öryggi og velferð barna, mikilvægi forráðamanna til að setja mörk og byggja upp sterkan grunn fyrir börnin sín. Eins ræddi hún um hvernig við í sameiningu styðjum börn svo þeim líði vel og séu örugg. Í erindi sínu studdist hún við niðurstöður fyrir nemendur í Njarðvíkurskóla frá Íslensku æskulýðsrannsókninni frá 2023. Frábært erindi og stefnum við á að fá hana aftur til okkar. Miðvikudaginn 6. nóvember fengum við Dagbjörtu Harðardóttur, sérfræðing frá Heimili og skóla til að kynna fyrir forráðamönnum og starfsfólki sem kemur að kennslu nemenda í 1.-5. bekk farsældarsáttmálann. Frábær mæting var frá forráðamönnum og eftir kynninguna unnu forráðamenn og umsjónarkennarar að gerð farsældarsáttmála fyrir hvern árgang. Mjög gott spjall sem forráðamenn áttu um sameiginlegan ramma fyrir börnin sína og að setja sér gildi og viðmið fyrir farsældarsáttmálann sem tákn um samstöðu forráðamanna. Þá fór hún yfir mikilvægi samstarfs heimilis og skóla sem leiðir til betri líðan nemenda, betri námsárangurs og betri skóla- og bekkjarbrags. Við þökkum forráðamönnum kærlega fyrir komuna og vera þannig virkir þátttakendur í vinnustað barnanna sinna.

6. nóvember kl.19:30-21:00 mun Dagbjört Harðardóttir frá Heimili og skóla kynna og ræða farsældarsáttmálann fyrir forráðamönnum í 1.-5. bekk á sal Njarðvíkurskóla. Mjög mikilvægt að einn forráðamaður mæti frá hverju heimili. Farsældarsáttmálinn er verkfæri sem gerir foreldrum og öðrum sem koma að degi barnsins kleift að ræða sín á milli og setja niður ákveðin viðmið eða gildi sem þeim finnast mikilvæg til þess að styðja við þroska og farsæld allra barna í nærsamfélaginu. Rannsóknir hafa sýnt fram á forvarnargildi samstíga foreldrahóps auk þess sem foreldrar gegna mikilvægu hlutverki að styðja við og stuðla að góðri menningu innan barnahópsins. Farsældarsáttmálinn gefur foreldrum tækifæri til þess að forma samstarf sín á milli og styrkja foreldrastarfið. Eftir kynninguna koma forráðamenn í hverjum árgangi fyrir sig saman og gera sinn farsældarsáttmála með umsjónarkennara.

Njarðvíkurskóli er þátttakandi í þróunarverkefni sem heitir Leikgleði og eru nemendur í 1.-2. bekk þátttakendur. Verkefnið gengur út á að efla hugtakaskilning, orðaforða, hlustunarskilning og frásagnarhæfni barna með aðferðum sem byggja á leik, söng og virkni. Með því eru börnin virkir þátttakendur í tónlistinni, dansinum, leiknum eða leiksýningunum sem byggja á sögunum sem unnið er með. Verkefnastjóri verkefnisins er Ólöf Kristín Guðmundsdóttir kennsluráðgjafi á Menntasviði Reykjanesbæjar og sérfræðingur verkefnisins er Birte Harksen leikskólakennari sem hefur unnið með málörvandi aðferðir til margra ára. Fimmtudaginn 5. nóvember fengum við í heimsókn Birte og Immu, samstarfskonu hennar, sem buðu nemendum í 1. og 2. bekk upp á sýninguna Skuggaleikhús við góðar undirtektir nemenda. Við þökkum Birte og Immu kærlega fyrir heimsóknina.

Fimmtudaginn 24. október tóku tveir nemendur í Ösp, þau Birta María Guðbergsdóttir og Bjarki Sölvi Fjeldsted ásamt Eygló Alexandersdóttir þroskaþjálfa í Ösp, á móti rausnarlegum stryk frá Blue bílaleigu sem kemur í framhaldi af góðferðafesti Blue sem haldið er ár hvert. Styrkurinn hljóðar upp á 1,4 milljón króna sem kemur til með að nýtast starfsemi Aspar á komandi skólaári. Það er mikilvægt fyrir Ösp, sérhæft námsúrræði, að finna fyrir velvild nærsamfélagsins í sínu starfi. Við þökkum eigendum og starfsmönnum Blue bílaleigu kærlega fyrir þennan rausnarlega styrk.

Miðvikudaginn 30.október mun verða haldin fyrirlestur á sal Njarðvíkurskóla fyrir forráðamenn og starfsfólk nemenda í 6.-10. bekk, frá klukkan 19:30-21:00. Margrét Lilja Guðmundsdóttir þekkingarstjóri hjá Planet Youth mun kynna og ræða niðurstöður rannsókna sem tengjast mikilvægi forráðamanna í að byggja upp sterkan grunn fyrir börnin sín. Við vilj­um að börn­un­um okk­ar líði vel, því þurf­um við að geta átt gott samtal um öryggi þeirra og velferð. Fjallað eru um mikilvægi forráðamanna og hvaða þátt þeir spila í að byggja upp sterkan grunn og bakland fyrir börnin sín. Hvað vitum við? Hverjar eru áskoranirnar og hverju þurfa forráðamenn að huga að til að styðja við börn sín á sem bestan hátt. Mikilvægt er að sem flestir forráðamenn mæti og sýni í verki að þeir séu virkir þátttakendur á vinnustað barnanna sinna.

Föstudaginn 25. október og mánudaginn 28. október er vetrarfrí í Njarðvíkurskóla. Enginn kennsla er þessa daga og frístundaheimili skólans, bæði í skóla og í Ösp er lokað. Vonum að allir hafi það gott í vetrarleyfinu. Friday, October 25th. and Monday, October 28th. is the school's winter break. There are no classes these days and the after school program, both in school and in Ösp, is closed. We wish everyone a good winter break. Piątek, 25 października. i poniedziałek 28 października. jest w szkole przerwa zimowa. W tych dniach nie ma zajęć, a zajęcia pozaszkolne, zarówno w szkole, jak i w Ösp, są zamknięte. Życzymy wszystkim udanych ferii zimowych.

Nemendur í 5. bekk og umsjónarkennarar þeirra þær Nana og Júlía stóðu fyrir umhverfismennt og trjárækt þriðjudaginn 24. september. Þau gróðursettu 100 birkiplöntur sem Njarðvíkurskóli fékk í gjöf frá Yrkju. Þannig hjálpa þau til við að kolefnisbinda andrúmsloftið, ásamt því að fegra bæinn okkar. Plönturnar gróðursettu nemendurnir við hlið göngustígsins í Grænásbrekkunni og nutu við það hjálpar og leiðsagnar frá Steindóri í umhverfisteymi skólans. Njarðvíkurskóli þakkar nemendunum, kennurunum og öllum þeim sem komu að gróðursetningunni kærlega fyrir þeirra framlag.

Í tilefni samtalsdags í Njarðvíkurskóla þann 8.október næstkomandi mun 10.bekkur bjóða til sölu vöfflur og drykki með þeim. 10.bekkur er að safna fyrir skólaferðalagi sem þau stefna að í maí 2025 að Bakkaflöt í Skagafirði. Í boði verða vöfflur, kaffi og djús og verður posi á staðnum þannig að hægt verður að borga með korti og síma fyrir þá sem vilja.