Fréttir

Skólaslit Njarðvíkurskóla fóru fram við hátíðlega athöfn á sal skólans miðvikudaginn 5. júní hjá nemendum í 1.-10. bekk. 1.-9. bekkur Skólaslit hjá 1.-9. bekk var skipt upp í fjóra hluta: 1., 2. og 3.bekkur, 4., 5. og 6. Bekkur, 7.-9. bekkur og 10. bekk. Skólaslitin byrjuðu á sal þar sem Ásgerður Þorgeirsdóttir, skólastjóri ávarpaði nemendur, forráðamenn og starfsfólk. Að lokum var Njarðvíkurskóla slitið en þetta var 82. starfsár skólans. Að þessu loknu fóru nemendur með sínum umsjónarkennurum í heimastofur og fengu afhentan vitnisburð sinn. 10. bekkur Á skólaslitunum hjá 10. bekk spilaði Halldór Árni Arnarsson á píanó. Á skólaslitunum í 10. bekk voru fjölmargar viðurkenningar veittar til einstaka nemenda og nemendahópa.  Veittar voru viðurkenningar fyrir góðan námsárangur fyrir einstaka greinar í 10. bekk auk valgreina. Það eru ýmis félagasamtök í nærsamfélagi skólans sem gáfu verðlaunin og kann Njarðvíkurskóli við þeim bestu þakkir fyrir. - Íslenska: Kristín Björk og Nikolai Leo Jónsson - Stærðfræði: Nikolai Leo Jónsson - Stærðfræði (bæði á grunn- og framhaldsskólastigi): Hulda María Agnarsdóttir - Enska: Nikolai Leo Jónsson - Enska (á framhaldsskólastigi): Bergur Snær Einarsson - Danska: Fjóla Osmani - Enska (bæði á grunn- og framhaldsskólastigi): Mathilde Rós Tindsgarð - Samfélagsfræði: Fjóla Osmani - Náttúrufræði: Hulda María Agnarsdóttir og Kristín Björk Guðjónsdóttir - Áhugavert áhugasviðsverkefni í náttúrugreinum: Gabríel Darri Aðalsteinsson - Íþróttir: Kristín Björk Guðjónsdóttir - Íþróttastúlka Njarðvíkurskóla: Sara Björk Logadóttir -Íþróttadrengur Njarðvíkurskóla: Nikolai Leo Jónsson Valgreinar: - Myndlist: Svala Gautadóttir - Heimilisfræði: Hólmfríður Eyja Jónsdóttir - Umhverfisverðlaun: Patrik Joe Birmingham - Félagsstörf: Frosti Kjartan Rúnarsson og Ragna Talía Magnúsdóttir - Fatalitun: Paulina Cybulska - Fjármálafræðsla: Kristján Freyr Andrason - Unglingadeild Björgunarsveitarinnar Suðurnes: Gunnar Páll Guðnason og Frosti Kjartan Rúnarsson Njarðvíkurskóli veitti viðurkenningu fyrir hæstu einkunn í 10. bekk: Nikolai Leo Jónsson Njarðvíkurskóli veitti viðurkenningar fyrir almennt góðan námsárangur til nemenda sem fengu ekki aðrar viðurkenningar en voru ávallt við það að vera með hæstu einkunn í bóklegum greinum: Viktor Garri Guðnason, Aníta Rut Helgadóttir, Hólmfríður Eyja Jónsdóttir, Ragna Talía Magnúsdóttir, Svala Gautadóttir og Sara Björk Logadóttir Njarðvíkurskóli veitti viðurkenningu fyrir framfarir í námi: Matthildur Mía Halldórsdóttir og Hafþór Nói Hjaltason Njarðvíkurskóli veitti nemendum úr Ösp viðurkenningu fyrir góðan árangur námi: Ari Sævar Júlíusson fyrir leiklist, Baltasar Þór Björnsson fyrir skólaíþróttir og Emilía Ratanhamani Janpaijit fyrir heimilisfræði Ásgerður Þorgeirsdóttir skólastjóri veitti háttvísisverðlaun fyrir þrautseigju í námi, frumkvæði og fyrirmyndar framkomu: Fjóla Osmani Á skólaslitum 10. bekkjar héldu Frosti Kjartan Rúnarsson formaður nemendaráðs og Ragna Talía Magnúsdóttir varaformaður ræður fyrir hönd útskriftarnema. Hildur Björnsdóttir og Margrét Rósa Friðbjörnsdóttir umsjónakennarar 10. bekkjar héldu einnig ræðu. Útskriftarnemendur fengu hátíðartrefla að gjöf frá skólanum í útskriftargjöf.  Ásgerður Þorgeirsdóttir, skólastjóri ávarpaði nemendur, forráðamenn, gesti og starfsfólk. Kjartan Már Kjartansson, bæjarstjóri í Reykjanesbæ hélt ræðu og færði Ásgerði skólastjóra blómvönd sem þakklætisvottorð fyrir frábær störf í Njarðvíkurskóla í 40 ár en hún lætur af stöfum sem skólastjóri við lok mánaðar. Að lokum var Njarðvíkurskóla slitið en þetta var 82. starfsár skólans. Myndir í myndasafni eru frá skólaslitum í 10. bekk.

Föstudaginn 31. maí var karnivalhátíð í Njarðvíkurskóla. Dagurinn byrjaði á skrúðgöngu. Síðan var kynnt niðurstaða úr kosningu formanns og varaformanns. Tónlistarmaðurinn Emmsjé Gauti var með tónlistaratriði og í framhaldi var ýmis konar afþreying í boði t.d. leikir, dansstöð, hoppukastali, þotubraut, glimmerbar og poppveisla. Í lok hátíðar var pylsuveisla fyrir nemendur sem foreldrafélagið sá um. Njarðvíkurskóli þakkar öllum sem komu að hátíðinni fyrir aðstoðina og gestum fyrir komuna.

Nú í vor var Kristinn Einar Ingvason kjörinn formaður nemendaráðs Njarðvíkurskóla og Þorgerður Tinna Kristinsdóttir varaformaður. Njarðvíkurskóli óskar þeim innilega til hamingju! Það eru fjölbreytt og spennandi verkefni framundan hjá þeim.

Skólaslit hjá nemendum í Njarðvíkurskóla verða við hátíðlega athöfn á sal skólans miðvikudaginn 5. júní. - 1.- 3. bekkur kl. 8:30 - 4.- 6. bekkur kl. 9:30 - 7.- 9.bekkur kl. 10:30 - 10. bekkur kl. 12:30 Nemendur eru hvattir til að mæta prúðbúnir á skólaslitin og forráðamenn með sínum börnum. Eftir skólaslit eru nemendur komnir í sumarfrí.

Hvatningarverðlaun menntaráðs Reykjanesbæjar voru afhent í Bíósal Duus við hátíðlega athöfn 30. maí 2024. Alls bárust 13 tilnefningar og voru verkefnin fjölbreytt að vanda. Að þessu sinni urðu tvö verkefni jöfn og hlutu þau því bæði Hvatningarverðlaunin. Um er að ræða verkefnin Faglegt og fjölbreytt starf í Ösp í Njarðvíkurskóla og Lindin – stofnun og þróun sértæks námsúrræðis í Akurskóla. Að auki hlaut verkefnið Allir í skólann – snemmtæk íhlutun vegna skólaforðunar í Holtaskóla sérstaka viðurkenningu.

Árlegir kappleikir milli nemenda í 10. bekk og starfsmanna fóru fram í íþróttahúsinu fyrir helgi. Karlkyns nemendur unnu í fótbolta og kvenkyns starfsmenn í körfubolta.

Miðvikudagurinn 29. maí er starfsdagur í Njarðvíkurskóla. Allir nemendur eiga frí þennan dag. Frístundaheimili yngri nemenda og frístund í Ösp er lokað þennan dag. Wednesday 29th. of May is a teachers work day in Njardvikurskoli. All students have a vacation this day. The after school program is closed this day. Sroda 15. Móc jest dniem pracy nauczyciela w Njardvikurskoli. Wszyscy studenci maja wakacje tego dnia. Program zajec pozalekcyjnych jest dzis zamkniety.

Það var líf og fjör í Njarðvíkurskóla 8. maí en þá fór fram árlegur íþróttadagur skólans. Íþróttadagurinn fer þannig fram að allir bekkir skólans keppa í ýmsum þrautum. Þrautirnar í ár voru bæði hefðbundnar og óhefðbundnar. Hver bekkur var með sinn lit og setti það skemmtilegan brag á daginn. Að lokum var íþróttabekkur Njarðvíkurskóla krýndur en það er sá bekkur sem fékk flest stig í keppnum dagsins. Í ár voru það nemendur í 10.MRF sem unnu bikarinn góða. 10.HB endaði í 2. sæti og 8.HH í 3. sæti.

Miðvikudaginn 8. maí er íþróttadagur í Njarðvíkurskóla. Sá dagur er uppbrotsdagur á skóladagatali og bekkir eru saman með umsjónarkennara og taka þátt í mismunandi þrautum og leikjum. Allir nemendur mæta kl. 8:15 og skóladeginum lýkur kl. 13:20 hjá öllum. Frístundaheimili tekur við kl. 13:20 hjá þeim nemendum sem eru þar skráðir. Hver bekkur hefur sinn lit og eru nemendur hvattir til að koma í fötum í þeim lit. Umsjónarkennarar senda nánari upplýsingar fyrir lit hjá þeirra hópum. Á íþróttadeginum ætlum við að hafa símalausan dag þannig að allir geyma símana sína heima þennan dag. Fimmtudagurinn 9. maí er svo Uppstigningardagur og þá er frí hjá öllum, nemendum og starfsmönnum.

Eins og undanfarin ár setjum við upp próftöflu fyrir yfirlitspróf í íslensku, stærðfræði og ensku fyrir 8.-10. bekk. Þarna kemur einnig fram hvaða daga sjúkrapróf eru fyrir þessi próf.